2016 Tanghra 3D Ahmumi David Kyaw Soe Win

Pa David Kyaw Soe Win hi U San Myo Win(Yangon) le Daw Bawi Tiak(Sakta) hna i an fa pathum lak ah a hniangbik a si. Mino tam deuh nih cun a thei lo kan tam men lai. Sakta khua in an chuak i Kankaw ah khua an rak sa i a tu hi TaikGyi, Yangon ah an um.

Pa David hi an umnak ah laimi/khrihfa an tam lo nain a ngakchiat tein Pathian tihbu le dawtnak theih bu tein a thang mi a si. 2016 ca cawn kum ah 3D-(Chemistry, Physic & Bio) in a kan awn piak kho ve. A tu hi Yangon University ah Engineer kai aa timh caah teinak a hmuh khawh nak hnga thlacam nak in bawm cio hna u sih.

 By

December Zing

RELCHAP

Sii Sianginn Kumkhatnak A Kai Liomi Mai Van Iang Par He Biaruahnak

Min – Mai Van Iang Par

Chuahni - April 23, 1999

Pa le Nu Min: Pu Mang Ceu ( Sakta)  & Pi Thla Vang ( Hakha)

Umnak: Hakha, Chin State, Myanmar

2015 ah Kawlram pumpi tanghra awnnak ah awnnak sang in a awngmi Leng Van Iang Par cu Sakta Youth Fellowship nih biaruahnak kan ngeih. Anih hi mindiin ah Aa Iang tiah an auhmi asi. Hi bantuk kanmah Sakta thisa chung in teinak a kan hmuhpiaktu cu atanglei bantuk in online in interview kan tuah ( Biahlatu khi SYF a si I, bia lettu khi  Aa Iang ti asi lai).

SYF: Tanghra D4 a hmu tiah kan theih i kan lung aa lawm ngai. Dinstintion pali hmuh hi naa lungsi maw? Hi `luk awnnak sang in awn khawhnak ding ah zeitindah naa zuam?

Aa Iang: Aw Kaa lungsi ko. Hi tluk awnnak sang in ka awn khawhnak cu Bawipa Pathian zaangfahnak thawng in le teirialnak thawng in asi.

SYF: Atuhi tah zei major in khoikaa sianginn ah dah sianginn na kai lio asi? Laimi hawidang hna an um ve maw?

Aa Iang: 1­^st MBBS Magway ah ka kai lio asi. Kan Lami hawidang zong tampi kan kai `i hna.

SYF: Na kaimi hi na uarmi maw si, nu le pa duhpiakmi dah?

Aa Iang: Keimah duh thim te in kaimi asi ko

SYF: Aw. Ttha tuk si. Kum zeizatdah kai asi lai? Sianginn na dih tikah zei bantuk dah tuah awk ah chunmang na manh?

Aa Iang: Kum (7) kai ding asi. Hi sianginn ka dih tik ah ramdang/ hmundang  ah siilei cawn chap rih ka duh.

SYF: Na Sianginn kainak ah zeidah naa harhbik?

Aa Iang: Kaa harhbik cu a um lo. Buaktlak in a `ha dih ko.

SYF: Tanghra hi khoikaa ah dah na rak kai?

Aa Iang: Hakha ah ka  rak kai.

SYF: Bia dang deuh ah, Na nule pa min le na chungkhar kong ( Chungkhar pa zeizah nan si?) hun kan chim? Atu hi khoikaa dah  khua nan sak?

Aa Iang: Ka pa min Pu Mang Ceu a si, i ka nu cu Pi Thla Vang a si. Unau rual pathum chuak kan si, i kei hi ahniang ka si. Hakha ah khua kan sa.

SYF: Naa manh caan ah zei tin caan na hman tawn?

Aa Iang: Carel hi ka huambikmi asi ca ah kaa manh caan ahcun ca ka rel tawn.Hla  zong ka ngai pah tawn.

Chungkhar Hmanthlak

SYF: Laitlang kong lei deuh ah hun choi usihlaw, Lairam hruaitu hei silaw zei bantuk dah na tuah hmasabik hnga?

Aa Iang: Lairam hruaitu hei si ninglaw cu fimthiamnak lei  phung ( Law) pawl hi ka t`hlen hna lai i, Kan Lai holh hi sianginn ah `ha te in ka cawnter hna lai. Laimi kan sinak i uanpi kho ding in thil `ha ka tuah hna lai.

SYF: Sakta na phan bal maw?
Aa Iang:  Aw.. Ka phan bal ko.

SYF: Sakta holh tah na thiam maw? Atheih tah na thei maw?­­­­­­

Aa Iang: Sakta holh cu ka thiam  ngaingai ko.

SYF: Nihin Laimi online dirhmun hi zeitin na ruah a`ha ko na ti maw? Siloah, kan luan deuh na ti dah?

Aa Iang: Tha ko ti awk ah aa laklawh ngai. Aruang cu mino pawl nih internet kan hman tikah tam deuh nih cun nuamhnak men lawng ah kan hman. Acheu cu kan tuah awk rian hmanh tuah lo in kan phone ah (Internet ah) ah kan i za tawn. Cucu asi ding asi lo! Zei thil paoh hi a za fang te hi atha bik ko.

SYF: Ca lei ah, Zei bantuk ca dah na rel bik? Kawl, Lai le Mirang ah?

Aa Iang : Theihtlei hi ka rel bik. Mirang ca le Kawl ca  leh in chuahmi pawl zong ka rel tawn hna.

SYF: Lai ca`ialtu lakah hodah na uarbik? Mirang le Kawl ah tah?

Aa Iang:  Lai ca`ial ahcun Pu Joel Ling ka uar bik. Kawl ahcun  Phey Myint ( ) le Mirang ahcun Shakespeer hi ka uar bik fawn.

SYF: Tlaih`eng (Uarbikmi catlang) na ngei maw?

Aa Iang: “Maw ka nunnak, Bawipa cu thangṭhat tuah! Ka sining vialte, a min thiang cu thangṭhat tuah u! Maw ka nunnak, Bawipa cu thangṭhat law zeitluk in dah zaangfahnak a ngeih kha philh hlah. Ka sualnak vialte kha a ka ngaihthiam I ka zawtnak vialte kha a ka damter; thlan chungin a ka khamh i dawtnak le zaangfahnak he thluachuah a ka pek; ka nunnak cu thil ṭha in a khahter i cucaah ka no peng i mupi bantukin ka ṭhawng ( Salm 103: 1-5)” , hi ka tlaihtleng asi.

SYF: Nang zong mino na si i mino kong ah, Mino nih kan ngeih aherh tiah na ruahmi lungput hun kan chim kho law kan duh ko.

Aa Iang : Mino nih kan ngeih aherh tiah ka ruahmi lungput cu mah zawn lawng ruat lo in kan ram le miphun ca ah hrinmi kan si, Toidornak lungput hen hmailei ah  harsat tam ko hmanh seh a kal duamah khomi  lungthin `hawnnak kan ngeih aherh, tiah ka ruah.

SYF: Cun, Mino nih hin i tinhmi ( Ambition) khen khawh ding zei bantuk timhtuahnak ngeih aherh tiah na ruah?

Aa Iang: Pathian bochan bu in lungsau thinfualnak he zei paoh hi kan izuam aherh tiah ka ruah.

SYF: Lungsau te in hngalh kan duhmi na kan leh ca ah kan I lawm tuk hringhran.

Aa Iang: Kei zong kaa lawm ve.

UCF Queen a ngah lio ( 2015)

RELCHAP

Leng Johanna Mang Bawi Ṭial He Biaruahnak

                                    

                                     Min - Johanna Mang Bawi Ṭial

Chuahni - 31.12.1998

Pa le Nu Min: Rev. S. Thawng Hmung & Pi Khuang Sung ( Sakta)

Umnak: Mandalay, Myanmar

2015 ah Kawlram pumpi tanghra awnnak ah awnnak sang in a awngmi Leng Johanna Mang Bawi Ṭial cu Sakta Youth Fellowship nih biaruahnak kan ngeih. Anih hi min diin ah Aa Nu tiah an auhmi asi, i a nu hi Sakta asi lawng si loin an chungkhar in Sakta ca ah ṭhatnak tampi a kan tuahpiaktu an si fawn. Hi bantuk kanmah Sakta thisa chung in teinak a kan hmuhpiaktu cu atanglei bantuk in online in interview kan tuah ( Biahaltu khi SYF a si i, bia lettu khi Aa Nu ti asi lai).

A hawinu he

SYF: Tanghra D4 a hmu tiah kan theih i kan lung aa lawm ngai. Dinstintion pali hmuh hi naa lungsi maw? Hi `luk awnnak sang in awn khawhnak ding ah zeitindah naa zuam?

Aa Nu: Ka si khawh tawk in kaa zuamnak cungah Pathian nih a ka pekmi a si tiah ka zumh ca ah ka lungsi ko. Sianginn in saya te nih an kan chimhmi nikhat ca nikhat zoh khawh, thiam khawh ding ka zuam.

SYF: Atu hi tah zei major in khoikaa sianginn ah dah sianginn na kai lio asi? Laimi hawidang hna an um ve maw?

Aa Nu: Mandalay University ah International Relations ( COE ) ka kai lio a si. Atutiang cu kan sianginn ah major khat Laimi hawi an um lo.

SYF: Na kaimi hi na uarmi maw si, nu le pa duhpiakmi dah?

Aa Nu: Keimah duh te in ka thimmi major a si ko.

SYF: Aw. Ṭha tuk si. Kum zeizatdah kai asi lai? Sianginn na dih tikah zei bantuk dah tuah awk ah chunmang na manh?

Aa Nu: Kum nga chung kai ding a si lai. Kawlram he pehtlai in ramdang ah Diplomat ṭuan ding chunmang ka manh.

SYF: Na Sianginn kainak ah zeidah naa harhbik?

Aa Nu: Pathian zaangfahnak thawng in ka harh tukmi cu a um lo.

SYF: Tanghra hi khoikaa ah dah na rak kai?

Aa Nu: Mandalay ah ummi The Conqueror Academy of Education ( CAE ) ah ka rak kai.

SYF: Bia dang deuh ah, Na nule pa min le na chungkhar kong ( Chungkhar pa zeizah nan si?) hun kan chim? Atu hi khoikaa dah  khua nan sak?

Aa Nu: Ka pa min cu Rev. S. Thawng Hmung a si, i ka nu cu Pi Khuang Sung a si. Unau rual pali chuak kan si, i kei hi upabik ka si. Mandalay ah khua kan sa.

An chungkhar

SYF: Naa manh caan ah zei tin caan na hman tawn?

Aa Nu: Piano ka tum, khua maw caan ah ti kaa lio…

SYF: Laitlang kong lei deuh ah hun choi usihlaw, Lairam hruaitu hei silaw zei bantuk dah na tuah hmasabik hnga?

Aa Nu: Lairam hruaitu hei sining law kan Lairam Infrastructure( Tlunkal nak lam, Din ti, mei, Inn le lo ) hna hi ka sersiam hmasabik hnga.

Amah lawng

SYF: Sakta na phan bal maw?
Aa Nu:  Aw… Ka phan bal ko.

SYF: Sakta holh tah na thiam maw? Atheih tah na thei maw?­­­­­­

Aa Nu: Atheih cu ka theih ko nain a holh tu cu ka harh deuh.

SYF: Nihin Laimi online dirhmun hi zeitin na ruah a`ha ko na ti maw? Siloah, kan luan deuh na ti dah?

Aa Nu: Online in i pehtlaihnak hi kan Laimi ca ah aṭha tukmi a si ko tiah ka ruah. Asinain, Lai mino tampi nih kan ca cio ah a `hahnem ding in kan hmang kho dih rua hna lo tiah ka ruah.

SYF: Ca lei ah, Zei bantuk ca dah na rel bik? Kawl, Lai le Mirang ah?

Aa Nu: Kawl ca in ṭialmi cun biaknak lei kap kong ka relbik, i mirang ca tu cun Politics lei kap kong ka rel. Kan laica tu cun Lai Baibal hi ka rel bik ko.

SYF: Lai caṭialtu lakah hodah na uarbik? Mirang le Kawl ah tah?

Aa Nu:  Laica ṭialtu lakah uarbik ti ka ngei lo. Kawl ahcun ဆိုး le Mirang ahcun Andrew Heywood le L. Frank Baum hna hi ka uar bik hna. An ca zong kaa ken lengmang hna.

SYF: Tlaih`eng (Uarbikmi catlang) na ngei maw?

Aa Nu: Rom 12:21 (Ṭhat lonak kha i teiter hlah u, ṭhatnak tu in ṭhat lonak kha tei i zuam u) hi ka tlaihtleng a si.

X'mas lio

SYF: Nang zong mino na si i mino kong ah, Mino nih kan ngeih aherh tiah na ruahmi lungput hun kan chim kho law kan duh ko.

Aa Nu : Toidornak, Dinfelnak le Zuamnak lungput kan ngeih aherh bik tiah ka ruah.

SYF: Cun, Mino nih hin i tinhmi (Ambition) khen khawhding zei bantuk timhtuahnak ngeih aherh tiah na ruah?

Aa Nu: Kan i tinhmi khen khawh nak ding ahcun Pathian i bochan bu in le teirialnak lungput he izuam hi a herh tiah ka ruah.

SYF: Lungsau te in hngalh kan duhmi na kan leh ca ah kan I lawm tuk hringhran.

Aa Nu: Kei zong kaa lawm ve.

RELCHAP

Australia Um Sakta Min Cazin

Perth

Brisbane

Melbourne

Darwin
Adelaide

A ca hi hmet law cazin cu a lang lai.

RELCHAP

Perth Um Sakta

Sakta Khuathar

No.	Min	Umnak	Family/Single	Remark
1.	Pu Duh Peng	Perth	Family1
-	Pi Sui Ca Khen
-	Pa Sui Peng Lian
-	Nu Ren Cin Lian
2.	Pi Zing Cuai Hnem			Kan Farle Chung
-	Pu Van Biak Thagn
-	Nu Florence Sui Hnem Zing		Family2
-	Nu Ruth Ngun T`ha Cer
-	Nu Rachel Zing Dawt Hlei
-
3.	Pi San San Aye		Family3	Kan Farle Chung
-	Pu Danial Thang
4.	Pi Sui Cer Chin		Family4	Kan Farle Chung
-	Pu Cung Nawl Thang

 #Chungkhar kharkhat cu number 1 in rel asi.

No.

Min

Umnak

Family/Single

Remark

1.

Pu Duh Peng

Perth

Family₁

-

Pi Sui Ca Khen

-

Pa Sui Peng Lian

-

Nu Ren Cin Lian

2.

Pi Zing Cuai Hnem

Kan Farle Chung

-

Pu Van Biak Thagn

-

Nu Florence Sui Hnem Zing

Family₂

-

Nu Ruth Ngun T`ha Cer

-

Nu Rachel Zing Dawt Hlei

-

3.

Pi San San Aye

Family₃

Kan Farle Chung

-

Pu Danial Thang

4.

Pi Sui Cer Chin

Family₄

Kan Farle Chung

-

Pu Cung Nawl Thang

RELCHAP